Enable Accessibility Bar

Diploma Lefel 1 mewn Adeiladu Aml Sgil

Disgrifiad o'r Rhaglen



Mae'r cwrs hwn yn rhoi’r cyflwyniad delfrydol i'r diwydiant adeiladu os nad ydych chi'n siŵr pa lwybr adeiladu i'w ddilyn.    

Byddwch yn dysgu hanfodion y crefftau hyn, gan roi syniad i chi am yr hyn rydych yn dda yn ei wneud a’r hyn rydych chi'n ei fwynhau. 

Yn gynyddol mae ‘na alw am bobl sy'n fedrus mewn ystod o grefftau adeiladu.

 Bydd y cwrs hwn yn eich cyflwyno i: Osod Brics, Gwaith Saer a Gwaith Asiedydd.


Nodweddion y Rhaglen



Mae hwn yn gwrs ymarferol iawn a gynlluniwyd i ddatblygu eich sgiliau a'ch gwybodaeth gan eich galluogi i weithio yn y diwydiant adeiladu.  

Fe’i datblygwyd yn benodol i'w gyflwyno mewn amgylchedd hyfforddi gan ddefnyddio amodau efelychiadol ac mae'r profion wedi eu seilio arnoch chi’ch hun yn dangos yr hyn y gallwch wneud fel unigolyn. 

Bydd cyfle i chi gymryd rhan mewn cystadlaethau sgiliau ac ymweld ag arddangosfeydd a busnesau sy'n berthnasol i'r diwydiant adeiladu.


Dilyniant a Chyflogaeth



Ar ôl cwblhau'r cwrs hwn mae gennych yr opsiwn o barhau i astudio Aml Sgiliau ar lefel dau neu gallwch arbenigo yn un o'r meysydd masnach a gynigir, sef galwedigaethau trywel, gwaith asiedydd neu waith saer ar safle. 

Ar ôl i chi gwblhau’r diploma aml sgiliau lefel un mae dau opsiwn ar gael i chi, gallwch naill ai astudio diploma lefel dau a thri yn y grefft ddewisol honno yn unig neu gallwch ddewis prentisiaeth yn y grefft honno.

Mae prentisiaeth yn cynnwys cwblhau diploma lefel dau a thri ochr yn ochr â NVQ ar bob lefel. 

Yna byddech chi'n dod i'r coleg am un diwrnod ac yn treulio gweddill yr amser ar y safle yn y gwaith.  Mae hyn yn rhoi cyfle i chi ennill cyflog wrth ddysgu.


Cynnwys y Rhaglen



Addysgir dwy uned theori i ddysgwyr sef iechyd a diogelwch ym maes adeiladu a chyflwyniad i'r diwydiant adeiladu.

Dangosir i'r dysgwyr sut i gyflawni amrywiol safonau diwydiant galwedigaethau gwaith saer, gwaith asiedydd a galwedigaethau trywel.

Unedau galwedigaethau trywel: Adeiladu waliau ceudod mewn bricwaith a blocwaith, gosod blociau palmant a chymysgu a gosod concrit.

Mae unedau gwaith saer yn cynnwys:  Uniadau gwaith coed, leininau drws, sgertin (mowldinau), llunio uniadau haneru, llunio uniadau rhigol, llunio a gosod leininau hatsh.

Unedau gwaith asiedydd: Gwneud drysau a fframiau syml gan gynnwys uniadau mortais a thyno hansiedig, gan lunio uniadau mortais a thyno trwodd a fframiau. 

Mae gwaith theori hefyd wedi'i ymgorffori yn yr unedau ymarferol.


Asesu'r Rhaglen



Gofynnir i chi gwblhau profion diwedd uned ymarferol a fydd yn asesu'r sgiliau sy'n gysylltiedig â'r uned honno yn erbyn safonau diwydiant galwedigaethau trywel a gwaith saer a gwaith asiedydd. 

Asesir unedau theori gyda phrofion ysgrifenedig sy'n cynnwys atebion byr ac amlddewis.


Gofynion y Rhaglen



Bydd angen i chi gael graddau TGAU A* i G mewn naill ai Cymraeg (iaith gyntaf) neu Saesneg a bydd mathemateg o fantais. 

Mae gallu ymarferol yn fantais ac asesir pob ymgeisydd mewn cyfweliad.


Costau Ychwanegol



There are no additional costs involved