Fel prentis, neilltuir ymgynghorydd hyfforddi i chi a fydd yn cadw golwg arnoch ac yn eich cefnogi ar hyd eich taith ar y fframwaith hwn, gan weithio’n agos gyda’ch cyflogwr a’ch tiwtoriaid yn y coleg.

Disgwylir i chi fynychu’r coleg ar gyfer gwybodaeth greiddiol. Hefyd cynhelir asesiadau’n rheolaidd yn y coleg a’r gweithle. Mae'r cwrs hwn yn seiliedig ar waith ymarferol a theori hefyd.

Bydd dysgwyr yn datblygu eu gwybodaeth, sgiliau a dealltwriaeth yn eu crefft ddewisol fel y ceir yn y Safonau Galwedigaethol Cenedlaethol.

Yn ogystal bydd dysgwyr yn cwblhau dwy uned graidd yn cwmpasu’r sector  adeiladu ac ymarfer yn y sector yng Nghymru. Bydd y cymhwyster yn drosglwyddadwy ar draws y DU ac mae wedi’i anelu at  ddatblygu gallu dysgwyr i ateb gofynion y sector adeiladu yng Nghymru, gan gynnwys gweithio gyda stoc adeiladau traddodiadol, newydd a chyn 1919 a deall technolegau newydd a datblygol, megis dronau ac argraffu 3D.

Ar gwblhau, bydd y cymhwyster yn rhoi i’r dysgwyr y sgiliau a’r wybodaeth sy’n ofynnol i’r dysgwr allu gweithio yn ei grefft ddewisol ar draws y DU.

Mae’r gwahanol bwyntiau mynediad i’r cymhwyster hwn yn golygu bod y llwybrau asesu’n amrywio.

Os yw’r dysgwr wedi cyflawni’r cymwysterau Sylfaen a Dilyniant, mae rhaid iddo gwblhau’n llwyddiannus:

• Un prawf aml-ddewis, wedi’i osod a’i farcio’n allanol.
• Un prosiect wedi’i osod gan y cyflogwr a’i asesu’n fewnol, yn cwmpasu ei faes crefft dewisol
• Un drafodaeth broffesiynol wedi’i marcio’n allanol

Os yw’r dysgwr wedi cyflawni’r cymhwyster sylfaen ond nid yw wedi cwblhau’r cymhwyster dilyniant, mae rhaid iddo gwblhau’n llwyddiannus:

• Dau brawf aml-ddewis, wedi’u gosod a’u marcio’n allanol.
• Un prosiect wedi’i osod gan y cyflogwr a’i asesu’n fewnol, yn cwmpasu ei faes crefft dewisol
• Un drafodaeth broffesiynol wedi’i marcio’n allanol

Os yw’r dysgwr yn dilyn y cymhwyster hwn fel rhan o’i brentisiaeth heb yn gyntaf gyflawni’r cymhwyster sylfaen neu gymhwyster dilyniant, mae rhaid iddo gwblhau’n llwyddiannus: 

• Tri phrawf aml-ddewis, wedi’u gosod a’u marcio’n allanol.
• Un prosiect wedi’i osod yn allanol a’i farcio’n fewnol
• Un drafodaeth dan arweiniad wedi’i marcio’n fewnol
• Un prosiect wedi’i osod gan y cyflogwr a’i asesu’n fewnol, yn cwmpasu ei faes crefft dewisol
• Un drafodaeth broffesiynol wedi’i marcio’n allanol

• Dysgwyr 16 oed a hŷn yn gweithio yn y sector adeiladu ar hyn o bryd.
• TGAU graddau A* i D mewn Saesneg neu Gymraeg (iaith gyntaf) a mathemateg neu gymhwyster cysylltiedig ag adeiladu neu L1/2 CBAC adeiladu’r amgylchedd adeiledig neu lefel dau sylfaen mewn adeiladu a pheirianneg gwasanaethau adeiladu neu lefel 2 dilyniant mewn adeiladu neu fyfyriwr hŷn.  
• Yn ogystal bydd angen i ymgeiswyr fynychu cyfweliad llwyddiannus. 

Bydd angen i fyfyrwyr ddod o hyd i, a phrynu, eu cyfarpar diogelu personol (PPE) eu hunain sy'n cynnwys bŵts diogelwch, sbectol diogelwch, het galed a dillad llachar.

Bydd angen i chi ddarparu eich deunydd ysgrifennu eich hun a hefyd gallwch fynd i gostau ychwanegol os yw'r adran yn trefnu ymweliadau addysgol.