Mae gan y coleg weithdy sydd wedi’i gyfarparu’n llawn lle byddwch yn datblygu eich sgiliau ymarferol drwy wneud tasgau adeiladu mewn amgylchedd realistig.  

Fel prentis, neilltuir ymgynghorydd hyfforddi CITB i chi a fydd yn cadw golwg arnoch ac yn rhoi cymorth i chi ar hyd eich taith, gan weithio’n agos gyda’ch cyflogwr a’ch tiwtoriaid yn y coleg. 

Bydd disgwyl i chi fynychu’r coleg un dydd yr wythnos ar gyfer gwybodaeth greiddiol, a bydd asesu hefyd yn digwydd yn y coleg neu yn eich gweithle yn rheolaidd. 

Mae'r cwrs hwn yn seiliedig ar waith ymarferol a theori.

Mae’r cwrs hwn yn cynnwys:

• Iechyd, diogelwch a lles yn y diwydiant adeiladu
• Egwyddorion adeiladu adeiladau
• Adeiladu waliau solet, pileri ynysig a chysylltiedig
• Dehongli lluniadau gweithio i osod allan adeileddau gwaith maen 
• Adeiladu waliau ceudod i ffurfio adeileddau gwaith maen

Byddai dilyniant o'r fframwaith hwn yn arwain i raglen brentisiaeth galwedigaethau trywel lefel tri. 

Ar ôl cwblhau'r cwrs hwn yn llwyddiannus byddwch yn gallu marcio allan / gosod allan tŷ / estyniad, ffurfio sylfeini a slab ac yn y pen draw gallu adeiladu waliau ceudod hyd at blât wal wrth ffurfio agoriadau.

Defnyddir amrywiaeth o ddulliau asesu sy'n cynnwys cwestiynau gwybodaeth ysgrifenedig, profion ar-lein a phrofion sgiliau ymarferol.  

Caiff unedau eu hasesu trwy bortffolio NVQ a/neu yn ymarferol yn y gweithle trwy arsylwi arferion gwaith.  

Yn ogystal bydd profion ysgrifenedig a phrofion ar-lein ar gyfer gwybodaeth theori’r cymwysterau NVQ a diploma yn cael eu sefyll yn y coleg.

Mae angen diploma lefel un ar y coleg mewn galwedigaethau aml sgiliau neu drywel (gosod briciau) neu brofiad sylweddol o weithio ar safle yn y grefft hon yn ogystal â chyfweliad llwyddiannus. 

Dylech hefyd gael eich cyflogi yn y diwydiant adeiladu.