Ymhlith y meysydd astudio mae:  Iechyd, Lles a Chwaraeon, Datblygu Sgiliau Personol mewn Gweithgareddau Awyr Agored, Hunangyflogaeth mewn Chwaraeon a Gweithgaredd Corfforol, Ffactorau Iechyd a Diogelwch mewn Dysgu Awyr Agored, Darpariaeth Gweithgareddau Awyr Agored, Cynaladwyedd ac Alldeithiau Awyr Agored.

Bydd myfyrwyr hefyd yn datblygu sgiliau mewn trefnu, cynllunio dilyniant personol ac ymchwil ar lefel briodol.

Trwy gydol y cwrs byddwch hefyd yn datblygu eich sgiliau rhifedd, llythrennedd a llythrennedd digidol ymhellach trwy ein Twlcit Sgiliau Hanfodol Cymru ar-lein (WEST) ynghyd â chyfle i ddatblygu eich sgiliau arweinyddiaeth trwy arwain sesiynau hyfforddi, trefnu digwyddiadau a dysgu sgiliau chwaraeon dŵr a dringo newydd.

Mae'r cwrs 12 uned yn cyfuno theori â dulliau dysgu ymarferol.  Mae 1080 GLH yn gyfwerth o ran maint â thri phwnc Safon Uwch.

Blwyddyn 1:

• Uned A: Gyrfaoedd yn y Diwydiant Chwaraeon a Hamdden Egnïol
• Uned B: Iechyd, Lles a Chwaraeon
• Uned C1: Datblygu Sgiliau Personol mewn Gweithgareddau Awyr Agored
• Uned 2: Hunangyflogaeth mewn Chwaraeon a Gweithgareddau Corfforol
• Uned 24: Ffactorau Iechyd a Diogelwch mewn Dysgu Awyr Agored
• Uned 25: Darpariaeth Gweithgareddau Awyr Agored

Blwyddyn 2:

• Sgiliau ar gyfer gweithgareddau ar y dŵr
• Egwyddorion ac arferion mewn antur awyr agored
• Ymarfer, iechyd a ffordd o fyw 
• Maetheg chwaraeon
• Sgiliau ar gyfer gweithgareddau ar-dir
• Paratoi ar gyfer gyrfa mewn chwaraeon a gweithgarwch corfforol
• Campau unigol ymarferol
• Asesu Risg mewn chwaraeon
• Arweinyddiaeth mewn chwaraeon

Gall cwblhau'r cwrs yn llwyddiannus arwain at gyfleoedd yn y sector chwaraeon, hamdden ac iechyd yn ogystal â'r sector gwasanaethau cyhoeddus.  Gall hyn gynnwys cyflogaeth mewn canolfannau awyr agored, canolfannau hamdden, campfeydd ffitrwydd, cyrff llywodraethu, yr heddlu a gwasanaethau brys eraill, yn ogystal â chyrsiau addysg uwch perthnasol mewn prifysgol sy'n arwain at y proffesiynau canlynol;

Hyfforddwr Awyr Agored, Gwyddonydd Chwaraeon, Therapydd Chwaraeon, Seicolegydd Chwaraeon ac Ymarfer, yr Heddlu, y Gwasanaeth Tân, Ffisiolegydd Ymarfer Clinigol, Ymgynghorydd Ymarfer Atgyfeiriadau Meddygon Teulu, i enwi ond ychydig.

Aseiniadau ysgrifenedig a asesir yn fewnol yn bennaf yw’r asesiadau a gyflawnir drwy asesiadau ymarferol, cyflwyniadau, llyfrau log, defnyddio tystiolaeth fideo, profion llyfr agored, taflenni/pamffledi, ac ati.  Caiff pob uned ei graddio fel Pas, Teilyngdod neu Ragoriaeth, gyda gradd driphlyg gyffredinol e.e. PTRh yn cael ei dyfarnu ar ôl cwblhau.

O leiaf pump TGAU graddau A*-C/9-4, gan gynnwys naill ai Saesneg Iaith neu Gymraeg (Iaith gyntaf) a mathemateg.

Mae cael TGAU Addysg Gorfforol yn fanteisiol, ond nid yn hanfodol. Derbynnir dilyniannau o Lefel 2 Chwaraeon gyda phroffil TT. Nid yw profiad blaenorol mewn gweithgareddau awyr agored yn hanfodol ond mae awydd i roi cynnig ar weithgareddau newydd yn ddymunol.  Asesir pob dysgwr ar sail unigol trwy gyfweliad.

Mae’n ofynnol i bob dysgwr dalu ffi gweinyddu o £25 i gofrestru.

Bydd angen i chi ddarparu eich deunydd ysgrifennu eich hun a phrynu'r cit awyr agored sylfaenol i'w ddefnyddio mewn gweithgareddau awyr agored a theithiau coleg wythnosol.