Mae’r coleg yn cynnig ystod eang o gyrsiau a achredir gan brifysgol ar gyfer myfyrwyr rhan-amser a llawn amser. Mae cyrsiau’n amrywio o doreth o gyrsiau gradd mewn celf a dylunio a gynigir mewn partneriaeth â Phrifysgol Cymru: Y Drindod Dewi Sant i ystod o ddarpariaeth ran-amser mewn meysydd megis rheolaeth busnes a pheirianneg.

Lleolir Sir Gaerfyrddin ar draws arfordir de-orllewin Cymru. Mae ganddi arfordiroedd a thraethau hardd yn ogystal ag atyniadau hanesyddol fel cestyll sy'n dyddio'n ôl i'r 13eg ganrif. Mae’r sir hefyd yn gartref i dŷ cwch Dylan Thomas, y bardd o Gymru, yn Nhalacharn, a nifer o drefi glan môr hynod. Yn ogystal â chefn gwlad, mae nifer fawr o drefi wedi'u gwasgaru ar draws Sir Gaerfyrddin sy'n cynnig siopau stryd fawr, caffis modern, bwytai, tafarndai a chlybiau, ar gyfer pan fydd angen seibiant o'ch astudiaethau arnoch.