Mae ein salonau gwallt a harddwch yn eithriadol ac yn caniatáu i chi hyfforddi a gweithio mewn amgylchedd salon masnachol, gan weithio ar aelodau'r cyhoedd yn wythnosol. Byddwch hefyd yn cael y cyfle i fynychu: sioeau masnach, seminarau, gweithdai yn ogystal â theithiau a drefnir sy’n gysylltiedig â’r sector a chymryd rhan mewn cystadlaethau. 

Bydd y cwrs hwn yn eich paratoi ar gyfer diwydiant ac yn rhoi’r sgiliau sydd eu hangen arnoch i weithio mewn salonau, sbas, siopau adrannol, gwestai, llongau gwyliau, yn ogystal â hunangyflogaeth.    Mae llawer o fyfyrwyr o Goleg Ceredigion wedi mynd ymlaen i sefydlu eu busnesau eu hunain neu i weithio i sbas yn eu hardal leol ac ymhellach i ffwrdd. Mae hwn yn gwrs rhagorol sy'n darparu’r cyfle i chi hogi eich sgiliau gwasanaeth cwsmer, i weithio gyda'r cyhoedd ac i adeiladu enw da a chronfa gleientiaid.

Cewch eich asesu’n ymarferol yn y salon a bydd angen i chi sefyll profion uned i arddangos eich gwybodaeth yn y pynciau uchod.

Rhaid bod ymgeiswyr wedi cwblhau diploma lefel dau mewn therapi harddwch a mynychu cyfweliad yn llwyddiannus gyda thiwtor y cwrs. Mae angen ymrwymiad i weithio gyda'r cyhoedd mewn amgylchedd salon ac agwedd bositif tuag at astudio. Mae prynu tiwnig harddwch a chit harddwch yn un o ofynion y cwrs.

Mae prynu tiwnig harddwch a chit harddwch yn un o ofynion y cwrs. Mae’n ofynnol i bob dysgwr dalu ffi gweinyddu o £25 cyn cofrestru. Bydd angen i chi ddarparu eich deunydd ysgrifennu eich hun, a hefyd gallwch fynd i gostau os yw'r adran yn trefnu ymweliadau addysgol.