Cymorth Dysgu Ar Gyfer Addysg Bellach

Pa fath o gymorth sydd ar gael? 

Bydd cymorth yn cael ei deilwra i’ch anghenion chi.  Dyma rai enghreifftiau o’r cymorth a all fod ar gael:

• Cymorth darlithwyr arbenigol
• Mynd i’r afael ag aseiniadau ac ysgrifennu adroddiadau
• Trefnu a chynllunio gan gynnwys rheoli amser
• Sgiliau llythrennedd a rhifedd
• Adolygu ar gyfer arholiadau
• Asesiad ar gyfer addasiadau arholiad (e.e. amser ychwanegol)
• Defnyddio technoleg gynorthwyol ac arbenigol
• Gwella sgiliau prawfddarllen
• Sgiliau cyfathrebu, emosiynol a chymdeithasol
• Meithrin hyder gyda gwaith academaidd
• Proffiliau un dudalen
• Cymorth 1:1, grŵp bach neu ddosbarth cyfan
• Mynediad i Gynorthwy-ydd Cymorth Dysgu
• Cyfeirio at wasanaethau eraill

Technoleg Gynorthwyol 

Mae technoleg gynorthwyol ar gael i gefnogi eich annibyniaeth.  Mae hon ar gael ar bob un o gyfrifiaduron y coleg ac mae’n cynnwys meddalwedd darllen a mapio meddwl.  Yn ogystal, mae gan holl Chromebooks y coleg y cyfleuster i ddefnyddio meddalwedd darllen a theipio llais.  Gallwn roi cyngor i chi a’ch dysgu chi sut i ddefnyddio technoleg gynorthwyol.

Pontio

Mae cynllunio ar gyfer eich cymorth yn y coleg yn bwysig i ni. Rydym yn gweithio’n agos gyda chi, rhieni/gwarcheidwaid, ysgolion ac asiantaethau allanol er mwyn helpu i sicrhau bod eich pontio’n rhedeg yn ddiffwdan.

Cyn cofrestru

• Rydym yn bresennol mewn Adolygiadau Myfyrwyr ym Mlwyddyn 10 / 11 fel y gallwn gwrdd â chi a chynllunio eich anghenion cymorth. Trefnir hyn trwy Gydlynydd Anghenion Dysgu Ychwanegol yr ysgol, Gyrfa Cymru ac asiantaethau cymorth allanol.
• Gallwn drafod cymorth a fydd yn cael ei amlinellu yn eich Cynllun Dysgu a Sgiliau neu Gynllun Datblygu Unigol.
• Gallwn roi gwybodaeth am gyrsiau yn y coleg a chymorth a all fod ar gael.
• Gallwn ddweud wrthych am Nosweithiau Agored a digwyddiadau rhagflas, lle gallwch gwrdd â staff Cymorth Dysgu a thrafod anghenion cymorth.
• Rydym yn cynnig ymweliadau â’r campws a sesiynau rhagflas pwrpasol.
• Gallwn ddarganfod os hoffech chi fod yn rhan o weithgareddau pontio er mwyn gwneud eich trosglwyddiad i mewn i fywyd coleg yn fwy llyfn.

Wrth Wneud Cais, Cyfweld a Chofrestru

Os ydych chi wedi penderfynu dod i'r coleg, mae angen i ni sicrhau ein bod ni’n gallu bodloni eich anghenion cymorth.   

• Ffurflen Gais - Gallwch roi gwybod i ni ar y Ffurflen Gais fod gennych angen dysgu ychwanegol, anabledd neu angen meddygol. Gallwn drefnu addasiadau i’ch cyfweliad os oes angen. Yn ogystal, gallwch anfon neges e-bost at y Cydlynydd ADY neu Gydlynwyr Cymorth Dysgu’r Campws i drafod a chynllunio ar gyfer addasiadau rhesymol yn ystod y broses gyfweld.
• Cyfweliad - Hefyd, gallwch roi gwybod i’r person sy’n eich cyfweld os hoffech gael cymorth ar eich cwrs a bod gennych unrhyw anghenion penodol. Os oes tystiolaeth o angen dysgu ychwanegol, anabledd neu gyflwr meddygol, dewch â hi gyda chi er mwyn ein helpu i drefnu eich cymorth.
• Cofrestru - Bydd staff Cymorth Dysgu ar gael i drafod anghenion cymorth. Bydd gennych gyfle arall i roi gwybod i ni am unrhyw anghenion ar y Ffurflen Gofrestru.
• Cynefino - Yn ystod yr ychydig wythnosau cyntaf, bydd sesiwn gynefino Cymorth Dysgu yn esbonio’r cymorth sydd ar gael. Mae pob dysgwr yn cwblhau Holiadur Proffil Unigol sy’n rhoi gwybodaeth hanfodol i ni ynghylch sut rydych chi’n dysgu ac i nodi unrhyw anghenion cymorth. 

Sut ydw i'n bwcio apwyntiad?

Os ydych eisoes ar eich cwrs ac yn teimlo eich bod chi angen cymorth gyda gwaith academaidd:

• Gall tiwtor eich cwrs eich atgyfeirio
• Cysylltwch â’r Cydlynydd Cymorth Dysgu ar eich campws
• Galwch heibio’r Parth Astudio ar eich campws
• Os oes tystiolaeth o angen dysgu ychwanegol, anabledd neu gyflwr meddygol, dewch â hi gyda chi er mwyn ein helpu i drefnu eich cymorth.

I gael unrhyw wybodaeth ychwanegol, cysylltwch â Julia Green (Cydlynydd ADY) julia.green@colegsirgar.ac.uk

 Neu’r Cydlynydd Cymorth Dysgu ar eich campws: