Canlyniadau Diwedd Gweithrediadau Cynnydd Coleg Ceredigion

Daeth y gwaith o gyflwyno’r prosiect i ben ar 30ain Tachwedd 2022 a pharhaodd gweinyddiaeth y prosiect tan 28ain Chwefror 2023. Nod y prosiect oedd lleihau’r risg o NEET (nid ydynt mewn cyflogaeth, addysg neu hyfforddiant) ymhlith pobl ifanc rhwng 11-24 oed.

Ers i’r prosiect ddechrau ym mlwyddyn academaidd 2016/17, mae’r prosiect wedi cefnogi 176 o fyfyrwyr Coleg Ceredigion, gyda 156 o’r rheiny mewn llai o berygl o ddod yn NEET.

Mae staff cyflwyno Cynnydd wedi gweithio oriau di-rif dros y 6 blynedd diwethaf i sicrhau bod darpariaeth Cynnydd o fudd i fywydau’r dysgwyr, ac yn eu cefnogi yn eu hymdrechion yn y dyfodol.

Mae Coleg Ceredigion yn cyflwyno’r llinynnau ymyriad canlynol:

Cefnogaeth Fentora: Mae mentoriaid ar gael ar bob campws ar gyfer cymorth un i un cyfrinachol. Gall mentor eich helpu a'ch cynghori mewn perthynas ag ystod eang o faterion er mwyn eich cefnogi i oresgyn rhwystrau sy'n effeithio arnoch gan gynnwys cyfeirio at gymorth allanol.

Cefnogaeth Gynghori: Mae cynghorwyr yn brofiadol mewn gweithio gydag ystod eang o faterion ac maen nhw’n defnyddio'u sgiliau i'ch helpu i ddeall yn well y materion sy'n achosi pryder i chi. Gall cynghori eich helpu i ddod o hyd i well ffyrdd o ymdopi gydag unrhyw anawsterau y gallwch fod yn eu hwynebu. 

Olrhain a Monitro: Gall staff olrhain a monitro gynorthwyo dysgwyr gyda materion eang gan gynnwys sgiliau academaidd, cymorth adolygu, gwaith cwrs, rheoli amser, sgiliau trefnu a chynllunio, hyder, hunan-barch, datrys problemau a sgiliau cyflogadwyedd.