Diploma Estynedig Lefel 3 mewn TG

Mae’r Cambridge Technical yn gymhwyster galwedigaethol ar lefel tri.  Maen nhw’n sylfaen ddelfrydol ar gyfer myfyrwyr sy’n ymuno â’r gweithle, gan roi cefndir damcaniaethol iddynt a gaiff ei atgyfnerthu â sgiliau ymarferol sy’n trosglwyddo i’r gweithle modern.  Mae’r diploma estynedig yn gyfwerth â thri phwnc Safon Uwch ac mae pob uned yn cael ei graddio ar lefel pas (P), teilyngdod (T) a rhagoriaeth (Rh).  

Mae’r cymhwyster newydd hwn wedi’i anelu’n benodol at fyfyrwyr 16 oed ac mae wedi’i gynllunio i fod yn fwy perthnasol i addysg bellach yn ogystal â darparu sgiliau perthnasol a dymunol ar gyfer y gweithle.  

Caiff y cwrs ei rannu’n ddau sector (creadigol a thechnegol).   Mae’r rhan greadigol yn cynnwys sawl modiwl animeiddio gan gynnwys stop-symudiad, animeiddio 2D a dylunio gemau cyfrifiadur.  Mae’r adran dechnegol yn cynnwys modiwlau ar ddatblygu gwefannau, technolegau a rheolaeth rhwydweithiau, cymorth technegol, cyfryngau cymdeithasol, e-fasnach a diogelwch.  Mae gennym gysylltiadau cryf â stiwdios Aardman ym Mryste (cynhyrchwyr Wallace and Gromit) yn ogystal â llwybrau i’r brifysgol gyda Phrifysgol Cymru: y Drindod Dewi Sant.

Mae'r cwrs yn gwrs sbectrwm eang sy'n rhoi blas o faes eang y diwydiant TG.  Mae wedi'i gynllunio i fod yn bellgyrhaeddol er mwyn rhoi cipolwg ar y diwydiant i ddarpar ddysgwyr gan ganiatáu iddynt gael trosolwg da o'r maes cyn gwneud unrhyw benderfyniadau i arbenigo.