Mae’r cyfleusterau yn y gweithdai dodrefn heb eu hail, maent yn llawn offer llaw, peiriannau gwaith coed, llwybrydd CNC, torrwr laser ac odyn solar a ddefnyddir i sychu pren yn gynaliadwy.  Byddwch yn ennill gwybodaeth a phrofiad yn y sesiynau ymarferol yn ogystal â mewn dosbarthiadau meistr a gynhelir bob blwyddyn gan grefftwyr enwog yn y diwydiant.   Byddwch yn datblygu eich sgiliau ymarferol yn y gweithdy tra’n dysgu am dechnoleg pren a datblygu cynnyrch gyda’n tîm o ddarlithwyr a thechnegwyr profiadol.  

Mae unedau craidd yn cynnwys: 

• Gwneud dodrefn â llaw
• Rhoi drysau a droriau’n sownd 
• Dulliau gorffennu
• Cynaladwyedd
• Technoleg pren
• Iechyd a diogelwch 
• Lluniadu technegol
• Prosesau dylunio
• Datblygiad gyrfa a chyfrifoldebau proffesiynol

Bydd y cymhwyster hwn yn rhoi'r sgiliau a'r hyder i chi symud ymlaen i’n cwrs diploma lefel tri mewn dylunio, gwneud ac adfer dodrefn yng Ngholeg Ceredigion.  Efallai y byddwch yn dymuno symud ymlaen i'r cwrs lefel 3, i gyflogaeth yn y diwydiant gwneud dodrefn, neu hunangyflogaeth.  Pa bynnag opsiwn y penderfynwch arno, cewch eich cefnogi gan ein staff cyfeillgar.

Caiff unedau eu hasesu'n fewnol ac yn allanol.  Mae'r coleg yn cynllunio ac yn asesu'r asesiadau mewnol trwy aseiniadau a chyfranogiad gweithredol.  City & Guilds sydd yn gosod ac yn marcio'r asesiadau allanol.

4 TGAU graddau A* - D gyda 2 radd C, un naill ai’n Saesneg/Cymraeg (iaith gyntaf) neu Fathemateg.  Neu wedi cwblhau cymhwyster galwedigaethol L1 yn llwyddiannus mewn pwnc perthnasol.  Gellir derbyn myfyrwyr hŷn heb gymwysterau yn amodol ar gyfweliad llwyddiannus.  Gofynnwn i chi fod â diddordeb gwirioneddol yn y pwnc.  Mae ymrwymiad a brwdfrydedd yn hanfodol er mwyn cael y budd mwyaf o'r cwrs.