Mae wedi'i gynllunio’n bennaf ar gyfer dysgwyr ôl-16 mewn addysg bellach: 

• Sydd â diddordeb mewn gweithio mewn rôl gefnogi yn y sector gofal plant 
• Sy’n dychwelyd i’r gweithlu ar ôl seibiant gyrfa ac sy’n dymuno diweddaru eu gwybodaeth a’u sgiliau yn y sector gofal plant. 

Bydd dysgwyr nad ydynt hyd yma wedi cwblhau cymwysterau craidd lefel dau gofal, chwarae, dysgu a datblygiad plant, yn cwblhau’r craidd ochr yn ochr â'r cymhwyster hwn ym mlwyddyn un.

Bydd siaradwyr gwadd ac arbenigwyr hefyd yn dod i’r coleg i siarad â chi am eu profiadau o fewn gwahanol sectorau gan gynnwys gwasanaethau statudol, gwirfoddol a thrydydd parti. Hefyd byddwch yn cael y cyfle i gymryd rhan mewn profiadau Cymraeg a diwylliannol er mwyn gwella cyflogadwyedd.

Caiff cymhwyster Craidd Gofal, Chwarae, Dysgu a Datblygiad Plant ei gyflwyno yn ystod blwyddyn un. Caiff cymhwyster Theori ac Ymarfer Gofal, Chwarae, Dysgu a Datblygiad Plant ei gyflwyno dros y ddwy flynedd.

Mae'r cymhwyster yn cwmpasu gwybodaeth a dealltwriaeth sylfaenol Fframwaith Sefydlu Cymru Gyfan newydd ar gyfer y Blynyddoedd Cynnar a Gofal Plant ac mae'n adlewyrchu ystod o wahanol rolau ac oedrannau.  

Blwyddyn 1 - Adran Deilliannau dysgu Craidd  Datblygiad (0-19 oed) i gynnwys:

• Egwyddorion a Gwerthoedd Gofal, Chwarae, Dysgu a Datblygiad Plant (0-19 oed) 
• Iechyd, Lles, Dysgu a Datblygiad 
• Ymarfer Proffesiynol fel Gweithiwr Blynyddoedd Cynnar a Gofal Plant 
• Diogelu Plant 
• Iechyd a diogelwch mewn Gofal, Chwarae, Dysgu a Datblygiad Plant

Theori ac Ymarfer Gofal, Chwarae, Dysgu a Datblygiad Plant i’w gwblhau dros ddwy flynedd

Trwy gwblhau'r cymhwyster hwn, bydd dysgwyr yn gallu dangos yn ymarferol eu bod yn:

• Deall, ac yn defnyddio mewn ymarfer, yr egwyddorion a’r gwerthoedd sy’n tanategu gofal, chwarae, dysgu a datblygiad plant.  
• Deall, ac yn defnyddio mewn ymarfer, dulliau gweithredu plentyn-ganolog i ofal, chwarae a dysgu 
• Gallu hyrwyddo a chefnogi datblygiad plant trwy eu hymarfer eu hunain. 
• Gallu gwerthuso ymchwil a theorïau i gefnogi ymarfer  
• Ymwybodol o bolisïau allweddol yn y sector a sut mae'r rhain yn effeithio ar ddatblygu a chyflwyno gwasanaeth  
• Gallu gweithio mewn partneriaeth â phlant, eu teuluoedd, gofalwyr ac ystod o weithwyr proffesiynol 
• Gallu myfyrio ar ymarfer er mwyn gwella’n barhaus, gallu defnyddio ystod o dechnegau datrys problemau  
• Gallu defnyddio llythrennedd, rhifedd a sgiliau cymhwysedd digidol fel sy’n briodol o fewn eu rôl 

Dros y ddwy flynedd caiff dysgwyr y cyfle i gwblhau cymhwyster ychwanegol ochr yn ochr naill ai â:

• Gwaith Chwarae
• Bagloriaeth Cymru

Gall dysgwyr symud ymlaen i raddau sylfaen, cyflogaeth neu brentisiaethau.

Mae’r swyddi canlynol yn feysydd y mae cyn-fyfyrwyr wedi symud ymlaen iddynt:

• Gweithiwr gofal 
• Gofalwr plant 
• Ymarferydd meithrinfa 
• Gweithiwr cyn-ysgol 
• Gweithiwr plant allan o’r ysgol 
• Gweithiwr Cylch Meithrin 
• Cynorthwyydd addysgu 
• Athro/athrawes ysgol gynradd – yn dilyn dilyniant i’r brifysgol. 

Un asesiad amlddewis ym mlwyddyn un (a asesir yn allanol)  

Theori ym mlwyddyn dau – papur cwestiynau (a asesir yn allanol) ac ymchwiliad estynedig (a asesir yn allanol)

Ymarfer - Set o dasgau strwythuredig (pedwar o arsylwadau a phedwar o weithgareddau/profiadau) a ddefnyddir i gasglu tystiolaeth asesu ar gyfer y rhan fwyaf o'r cynnwys gorfodol. Bydd y tasgau hyn yn cynnwys arsylwi ymgeiswyr yn cynllunio pedwar cyfle/profiad ar wahân; cynnal y cyfleoedd/profiadau hynny a gwerthuso pob un o'r rhain dros gyfnod o 10 mis. 

Portffolio o dystiolaeth i gyd-fynd â'r tasgau strwythuredig. Diben y portffolio yw ategu'r dystiolaeth a gasglwyd o'r tasgau strwythuredig trwy dystiolaeth o ymarfer bob dydd. 

Pum TGAU graddau A*-C i gynnwys Saesneg neu Gymraeg iaith gyntaf gradd C, a mathemateg o leiaf gradd E.

Yn ogystal bydd yn ofynnol i chi gael gwiriad DBS boddhaol a geirda cymeriad.

Bydd pob dysgwr yn dilyn llwybr sgiliau lle byddant yn datblygu eu sgiliau llythrennedd (yn Gymraeg a Saesneg hefyd) a rhifedd ar gyfer cyflogaeth. 

Bydd myfyrwyr nad ydynt hyd yma wedi cael y graddau TGAU angenrheidiol ar C neu uwch yn cael addysgu a chymorth ychwanegol i astudio ar gyfer naill ai TGAU neu gymwysterau Sgiliau Hanfodol yn dibynnu ar raddau TGAU blaenorol.

Mae’n ofynnol i bob dysgwr dalu ffi gweinyddu o £25 cyn cofrestru.

Mae’n ofynnol i bob dysgwr gael gwiriad DBS a phrynu iwnifform lleoliad gwaith.

Bydd angen i chi ddarparu eich deunydd ysgrifennu, iwnifform lleoliad eich hun, a hefyd gallwch fynd i gostau os yw'r adran yn trefnu ymweliadau addysgol