Enable Accessibility Bar

Diploma Lefel 2 mewn Technolegau Creadigol

Disgrifiad o'r Rhaglen



Mae’r Cambridge Technical yn gymhwyster galwedigaethol ar Lefel 3. Maen nhw’n sylfaen delfrydol ar gyfer myfyrwyr sy’n ymuno â’r gweithle, gan roi cefndir damcaniaethol iddynt a gaiff ei atgyfnerthu gyda sgiliau ymarferol sy’n trosglwyddo i’r gweithle modern.  Mae Diploma Estynedig yn gyfwerth â 3 phwnc Safon Uwch ac mae pob Uned yn cael ei graddio ar lefel  Pas (P), Teilyngdod (M) a Rhagoriaeth (D). 

Mae’r cymhwyster hwn wedi’i anelu’n benodol at fyfyrwyr 16 oed ac wedi ei gynllunio i fod yn fwy perthnasol i addysg bellach yn ogystal â darparu sgiliau perthnasol a dymunol ar gyfer y gweithle. 


Nodweddion y Rhaglen



Bydd y cymhwyster hwn yn rhoi profiad ymarferol i chi o ddefnyddio rhywfaint o’r cyfarpar a meddalwedd arweiniol diweddaraf o safon diwydiant sy'n cynnwys, technoleg Rhith-wirionedd, cyfarpar roboteg, camerâu digidol a gosodiadau stiwdio sgrin-werdd, camerâu fideo, ein stiwdio stop-symudiad bwrpasol, tabledi lluniadu WACOM ac Intuos Pro, cyfarpar recordio sain, argraffwyr 3D a sganwyr a mynediad at feddalwedd Adobe Creative Suite, meddalwedd animeiddio stop-symudiad proffesiynol a meddalwedd recordio sain.

Mae gennych ryddid creadigol i ddewis pynciau sydd o ddiddordeb i chi ar gyfer eich prosiectau unigol ar gyfer pob uned a astudir.


Dilyniant a Chyflogaeth



Os ydych chi'n chwilio am lwybr ymarferol, galwedigaethol i yrfa mewn TG, mae'r cwrs hwn yn ddelfrydol ar eich cyfer chi.  Ar gael ar Lefel 2 a Lefel 3, bydd y cwrs yn gwella eich cyflogadwyedd trwy ddatblygu'r sgiliau sydd eu hangen arnoch i ragori mewn ystod eang o dechnolegau. Mae myfyrwyr sy'n cwblhau’r cymhwyster Lefel 2 yn llwyddiannus yn gyffredinol symud ymlaen i'r cwrs Lefel 3 ac i addysg uwch a chyflogaeth.

Rydym wedi datblygu llwybrau rhagorol gyda nifer o adrannau ym Mhrifysgol Cymru: y Drindod Dewi Sant gyda nifer o’n cyn-fyfyrwyr lefel 3 wedi symud ymlaen i ystod eang o bynciau megis Animeiddio Cyfrifiadurol 3D, Rhwydweithio Cyfrifiadurol, Datblygu’r We a Seiber-ddiogelwch.


Cynnwys y Rhaglen



Mae’r Diploma Lefel 2 mewn TG (Technolegau Creadigol) yn cynnwys 7 uned, gyda dwy orfodol a phump arbenigol:

  • Cyfathrebu yn y diwydiant TG
  • Gweithio yn y Diwydiant TG
  • Graffeg Gyfrifiadurol
  • Dylunio Amlgyfrwng
  • Technegau Animeiddio
  • Systemau Cronfa Ddata
  • Cynhyrchu Cyfryngau Rhyngweithiol

Mae'r rhan fwyaf o unedau yn dilyn strwythur cyffredinol sy'n cynnwys ymchwilio, cynllunio, creu a gwerthuso.


Asesu'r Rhaglen



Mae’r Cambridge Technical yn gymhwyster galwedigaethol ar Lefel 3. Maen nhw’n sylfaen delfrydol ar gyfer myfyrwyr sy’n ymuno â’r gweithle, gan roi cefndir damcaniaethol iddynt a gaiff ei atgyfnerthu gyda sgiliau ymarferol sy’n trosglwyddo i’r gweithle modern.  Mae Diploma Estynedig yn gyfwerth â 3 phwnc Safon Uwch ac mae pob Uned yn cael ei graddio ar lefel  Pas (P), Teilyngdod (M) a Rhagoriaeth (D). 

Mae’r cymhwyster newydd hwn wedi’i anelu’n benodol at fyfyrwyr 16 oed ac wedi ei gynllunio i fod yn fwy perthnasol i addysg bellach yn ogystal â darparu sgiliau perthnasol a dymunol ar gyfer y gweithle.


Gofynion y Rhaglen



5 TGAU graddau A* - C, sy’n cynnwys naill ai Cymraeg (Iaith Gyntaf) neu Saesneg Iaith a Mathemateg. Neu wedi cwblhau cymhwyster galwedigaethol L2 yn llwyddiannus mewn pwnc perthnasol gyda Theilyngdod neu uwch.